“Bax elə indicə konfransa gəlirdim və hazırda sığınacaqda olan anama və zirzəmidə olan xanımıma zəng edirdim. Bəli, onlar hələ vuruşmur, amma lazım olanda, xanımım həkimdi, o da qoşulacaq”.
Ukraynanın Azərbaycandakı səfiri Vladislav Kanevskiy 24 fevralda ölkəsinə qarşı başladılan müharibə nəticəsində ikisi uşaq olmaqla 57 nəfərin həlak olduğunu, 177 nəfər yaralandığını bildirib. Səfir deyib ki, Putinə Donetsk və Luqansk Xalq Respublikaları kimi qondarma qurumlar lazım deyildi, ona bütün Ukrayna lazım idi. İndi də o, bu məqsədə çatmaq istəyir.
Səfir bildirib ki, Azərbaycanın Ukraynada baş verənlərlə bağlı rəsmi mövqeyini gözləyirlər.
“Azərbaycanın rəsmi şəxslərinin, o cümlədən ATƏT xətti ilə online konfranslarda iştirakı çərçivəsində XİN-nin saytında yayımlanan mövqeyi var. Hesab edirəm ki, Azərbaycan bizim strateji tərəfdaşımız kimi və hətta Ukraynanın ərazi bütövlüyünü dəstəkləyən dostumuz kimi, bu mövqeyini prezident İlham Əliyev bu ilin 14 yanvar tarixində Ukraynaya səfəri çərçivəsində səsləndirib. Ən yüksək səviyyədə bu məsələləri müzakirə etmək üçün görüşlər planlaşdırıram, sorğular göndərmişəm”.
Səfir bildirib ki, sanksiyalar Rusiyaya, onun iqtisadiyyatına ağır zərbə endirməmiş Putinin qərarı dəyişməyəcək. O bildirib ki, sanksiyaların siyahısı böyükdür və bu proses davam edir.
“Diskussiyalar üçün bütün nöqtələr açılmalıdı ki, danışıqlar masasına oturub, müzakirələr aparılsın. Amma əsas məsələ bilirsiz nədi? Bu, zəmanətdi. Bizim təhlükəsizliyimiz üçün hansı zəmanət var? Biz 94-cü ili xatırlayırıq. Biz indi Rusiya aqressiyasından əziyyət çəkən Ukraynanın təhlükəsizliyini təmin edə bilməyən ölkələrin zəmanətlərini xatırlayırıq. Buna görə də biz real zəmanətləri axtarıb tapmaq üçün danışıqlar masasına əyləşməyə hazırıq. Bizim prezidentimiz də bunu deyib”.
Səfir bildirib ki, dünəndən bu günə qədər Azərbaycan vətəndaşlarından çoxsaylı dəstək zəngi gəlib, səfirliyin qarşısına müharibədə həlak olan ukraynalı hərbçilər üçün gül dəstələri qoyulub.
Səfirliyin qarşısına Ukraynada döyüşmək üçün könüllü gələn Azərbaycanlı gənc də var idi.
D-18 Hərəkatının üzvləri də səfirliyin qarşısında dəstək aksiyası keçiriblər.
Kanala abunə ol – https://goo.gl/TcM9Fm
Bizə maddi dəstək ol https://cutt.ly/destek
WebSite: http://www.meydan.tv
Facebook: http://fb.com/MeydanTelevision
Twitter: http://twitter.com/MeydanTV
Google+ https://plus.google.com/+MeydanTelevision/posts
İnstagram: http://instagram.com/meydantv
__________________________________________________________________
Xəbərdən çox xəbər var. Çəkin göndərin yayımlayaq – Whatsapp : +4915777662277